"MORGESTREICH, VORWÄRTS, MARSCH!"
...bis zum Morgestreich
Bis zum Morgestreich am Sunntig 02. März 2025 am 5:00 miesse mir no ä chli Geduld ha...
Chinderumzug 2025
Am Mentig 03.03.2025 ab 14:00Uhr
Falls au du Interässe hesch mit zmache, findisch alli Informatione derzu uff eusem Flyer.
Als Mitglied drbi si...
Jetzt isch's so witt! Sit mir im April 2023 dr Laufner Fasnachts Verein gründet hei, wei mir eusi Fasnachtsfamilie vergrössere:
Ob aktiv oder passiv mitwirkend, mir si um jedi Unterstützig dankbar.
Aktivmitglieder si Vollmitglieder und näbscht de Kollektivmitglieder und de Ehremitglieder an dr Generalversammlig mit ihrer Stimm drbi. Während em Vereinsjoor bim aktive Mithälfe aber vorallem bi allne Aktivitäte immer härzlich iiglade.
Mithälfe cha me in dä zahlriiche Arbeitsgruppe, wo dFasnachts-organisation während em Joor bim Vorbereite oder a dr Fasnacht sälber unterstütze.
Chum drzue und mach mit!
Als Passivmitglied tuesch Du eus finanziell unterstütze. Du wirdsch au zu dä Aktivitäte vom Verein iiglade aber hesch kei Verpflichtig.
Mir schätze au dä Biitrag sehr, denn är verhilft eus, us dr Laufner Fasnacht no ä vill buntere kulturelle Anlass z’organisiere.
Härzliche Dank für dini Unterstützig
Gönner und Sponsore chönne d'Laufner Fasnacht generell oder zu spezifische Programmpünkt finanziell unterstütze.
Möglichi Forme stelle mir gärn persönlich vor.
Euseri Plagette, das verbindendi Elemänt
Sit 1953 gits mit dr offizielle Fasnacht Plagette ä wichtigs Symbol. Drbi isch dä wenigschte bekannt, dass es pro Jahrgang sit mehr als 30 Joor jewiils ä chlini Ahäng-Plagette sowie ä grossi Erinnerigs-Plagette git.
Hüt wärde sie in Laufen entworfe und au d'Rohformen für d'Produktion hergschtellt. In Rhynfälde bi dr Firma Kuhn-Ricon wird die "Chlini" produziert und in dä VEBO Wärkstätt mit erä Nodle konfektioniert. Die "Grossi" wird manuell us Ton vom Gerold Nussbaumer prässt und umgsetzt.
Kuhn Ricon Rhyfälde
Binere chlini traditionelli Keramik Manufaktur wird die "Chlini Plagette" produziert.
VEBO Wärkstatt Breitenbach
Ä wittere Lieferant stoht mit sinere Erfahrig in Montage, Veredlig und Kommissionierig als Partner an eusere Sitte.
Verchauf über d'Aktiv-Fasnächtler
Für d'Teilnahm an dä Fasnachtsumzüg muess jede Aktivfasnächtler vo dä teilnähmende Clique je 10 Plagette verchaufe.
Es het so rund 7200 Stück im Umlauf.
Vorverchauf durchs Comité
S'Fasnachts Comité het no zuesätzlichi Plagettenresärve. Mir stöh aber no in Abklärig, wo ä chline Vorverkauf vo dä Plagette stattfinde wird.
Preise:
Chlini Plagette ab CHF 10.00
Grossi Plagette CHF 50.00
Plagette ha isch Ehresach...
Ä Plagette chaufe und in dr Fasnachtzyt trage isch euche Biitrag und Wärtschätzig as grosse Engagement vo dä Aktivfasnächtler.
Alli Clique und Aktivfasnächtler nämme enormi Ufwänd uf sich, um an dr Fasnacht so bunt und vielsittig wie möglich vorzbereite.
Mit em Chauf vonere Plagette nämet Dir a däm grosse Alass teil und bedanket euch inere bescheidene Art. Mir säge "Danke" für euri Unterschtützig.